Ministria e Shëndetësisë ka njoftuar për rastet e reja pozitive me COVID-19 në vend. Nga 419 mostrat e testuara, 241 kanë rezultuar pozitive. Ndërkaqë, numri i personave të vdekur ka shkuar në 150
MSh’ja ka njoftuar se numri i personave të vdekur si pasojë e infektimit me koronavirus ka shkuar në 150, nga 144 sa ishte të martën.
“Numri total i rasteve pozitive është 6.286 raste nga 32.375 persona të dyshimtë në virusin SARS-CoV-2, me gjithsej 150 raste të vdekjes të cilët kanë pasur sëmundje të tjera shoqëruese”, thuhet në njoftim.
Ndërkohë, nga 419 mostra të testuara, 241 kanë rezultuar pozitive.
“Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 419 mostra të marra nga ShSKUK dhe gjurmimi i kontakteve të rasteve në terren prej të cilëve rezultojnë 241 raste pozitive”, thuhet në njoftim.
MSh njofton se numri total i rasteve pozitive është 6.286 raste nga 32.375 persona të dyshimtë në virusin SARS-CoV-2, me gjithsej 150 raste të vdekjes të cilët kanë pasur sëmundje të tjera shoqëruese.
Gjatë 24 orëve të fundit, janë shëruar 143 pacientë derisa numri i përgjithshëm i të shëruarve deri më sot është gjithsej 3.369 raste, kurse numri i rasteve aktive është 2.762.